• अर्थ सरोकार सम्बाददाता 

काठमाडौँ  ।  एनआइसी एसिया बैंकको स्वामित्वमा रहेको ६१ हजार २७८ कित्ता संस्थापक सेयर लिलामी सेयरमा आवेदन दिने आज अन्तिम दिन रहेको छ । आज कार्यालय समयसम्म कम्पनीको सेयरमा आवेदन दिन पाइनेछ । बैंकले मेरो माइक्रोफाइनान्सको ६१ हजार २७८ कित्ता संस्थापक सेयर लिलामीमा ल्याएको थियो । लगानीकर्ताले यसमा न्यूनतम ६२६ रुपैयाँ भाउ राखेर आवेदन दिन सक्नेछन्  ।

उक्त सेयर खरिदका लागि विद्यमान संस्थापकहरु वा जो कोही व्यक्ति, कम्पनी, संघ, संस्थाहरुले आवेदन दिन सक्नेछन् । लगानीकर्ताले न्यूनतम १०० कित्ता अधिकतम सम्पूर्ण कित्ताका लागि पनि आवेदन दिन सक्नेछन् भने लिलामीको बोलपत्र बिक्री प्रबन्धक एनआइसी एसिया क्यापिटल, बबरमहलमा बुझाउन सकिनेछ ।