काठमाडौँ । नेपाली काँग्रेसका महामन्त्री गगन थापाले कीर्तिपुर मात्र नभएर अन्य थुप्रै डाँडामा बसेर लाखौँ कमाउन सकिने बताएका छन् । ‘एनसेल बाह्रखरी गल्फ तथा आर्थिक परिसंवाद’ कार्यक्रममा बोल्दै महामन्त्री थापाले यस्तो बताएका हुन् । 

उनले कीर्तिपुरजस्ता अन्य थुप्रै डाँडामा बसेर महिनाकै दुईचार लाख रुपैयाँ कमाउने स्थिति रहेको बताएका छन् । 

डाँडामा बसेर महिनाकै दुईचार लाख रुपैयाँ कमाउने स्थिति बनाउने आफूहरुसँग पोटेन्सियल भएको भन्दै त्यसका लागि सबैले सोच्नुपर्ने बताएका छन् । उनले केही क्षेत्रमा सो स्थिति निर्माणका लागि काम सुरु भइसकेको पनि बताएका छन् । 

केही समयअघि महामन्त्री थापाले कीर्तिपुरको डाँडामा बसेर महिनामै लाखौँ रुपैयाँ आम्दानी गर्न सकिने अभिव्यक्ति दिएका थिए । तर, त्यसबेला उनले दिएको सो अभिव्यक्ति सामाजिक सञ्जालमा ट्रोल बनेको थियो । हाल महामन्त्री थापाले कीर्तिपुर मात्र नभएर अन्य थुप्रै डाँडामा बसेर दुईचार लाख कमाउन सकिने बताएका छन् ।