काठमाडौँ । गत चैत १५ गतेको राजाबादी आन्दोलनमा ध्वस्त भएको जडिबुटी उत्पादन तथा प्रशोधन कम्पनीमा सन्चोको उत्पादन सुरु भएको छ ।
आन्दोलनमा कम्पनीको प्रशासनिक भवन तोडफोड भएको थियो भने उत्पादन तथा प्रयोगशाला भवन आगो लगाईएर पूर्ण रुपमा प्रयोग विहिन नै बनाईएको थियो ।
कम्पनीले खेती, प्रशोधन, उत्पादन र बजारिकरणको काम गर्ने भएकाले खेती र प्रशोधन कम्पनीको बाहिरी शाखाहरुले गर्ने र उत्पादित बस्तुको बजारिकरण देखिका कामहरु केन्द्रीय कार्यलयले गर्ने हुदाँ सो घटनाको लगभग एक महिना सबै जसो काम ठप्प भएको थियो ।
आगलागी हुनु पहिले मेशिनको प्रयोग गरी उत्पादन गरिने भए पनि मेशिन पूर्ण रुपमा जलेका कारण अहिले सम्पूर्ण काम कर्मचारीले नै गर्नु परेको छ । जसका कारण कम्पनी पूर्ण क्षमतामा चल्न भने सकेको छैन । अहिले ५० देखि ६० प्रतिशत मात्र उत्पादन भईरहेको कम्पनीले जनाएको छ । बाँकी तस्विरमा हेर्नुहोस्:
