काठमाडौँ । नेपाल धितोपत्र बोर्डले ब्रोकर कम्पनीहरुको चुक्ता पुँजी पुर्याउने समय थप्ने तयारी गरेको छ । चुक्ता पुँजी पुर्याउने अवधिमा पनि केही ब्रोकरले चुक्ता पुँजी पुर्याउन नसकेपछि बोर्डले समय थप्ने तयारी गरेको हो ।
बोर्डले पुँजी पुर्याउने समय थप्ने निर्णयसहित धितोपत्र व्यवसायी (धितोपत्र दलाल तथा धितोपत्र व्यापारी) नियमावली, २०६४ संशोधनको प्रस्ताव अर्थ मन्त्रालयमा पठाएको छ ।
बोर्डले ब्रोकर कम्पनीलाई तोकिएको न्यूनतम चुक्ता पुँजी पुर्याउने समय ९ महिना थप गर्नेगरी नियमावली संशोधन मस्यौदा स्वीकृत गरेको छ । सो मस्यौदा स्वीकृतिका लागि बोर्डले हाल अर्थ मन्त्रालयमा पठाएको छ ।
बोर्ड स्रोतका अनुसार हाल २३ वटा ब्रोकर कम्पनीले तोकिएको न्यूनतम चुक्ता पुँजी पुर्याउन बाँकी छ ।
