×

Live on

रेडियो अर्थ सरोकार

Listen to live radio.

आन्तरिक हवाई दुर्घटनामा क्षतिपूर्तिको रकम बढाउने सरकारको तयारी, २० हजारबाट बढाएर १ लाख डलर पुर्याइँदै !

LAXMI SUNRISE BANK
GLOBAL IME BANK
DISH HOME

आन्तरिक हवाई दुर्घटनामा क्षतिपूर्तिको रकम बढाउने सरकारको तयारी, २० हजारबाट बढाएर १ लाख डलर पुर्याइँदै !

Artha Sarokar

२३ असार २०८२, सोमबार

पढ्न लाग्ने समय: १ मिनेटभन्दा कम

काठमाडौँ । आन्तरिक हवाई दुर्घटनामा ज्यान गुमाउने मृतकका परिवारलाई दिइने क्षतिपूर्ति बढाउने तयारी गरिएको छ । सरकारले आन्तरिक वायुसेवाको दायित्व तथा बीमा सम्बन्धमा व्यवस्था गर्न बनेको विधेयक, २०८२ मार्फत आन्तरिक दुर्घटनामा मृतकका परिवारले पाउने क्षतिपूर्ति बढाउने तयारी गरेको हो ।

हाल संस्कृति, पर्यटन तथा नागरिक उड्डयन मन्त्रालयले सो विधेयकको मस्यौदा सार्वजनिक गरेको छ । 

मस्यौदामा हाल आन्तरिक हवाई दुर्घटनाका मृतकका परिवारले पाउने क्षतिपूर्तिलाई ५ गुणा बढाउने प्रस्ताव गरिएको छ । हाल आन्तरिक हवाई दुर्घटनामा ज्यान गुमाउनेका परिवारले २० हजार अमेरिकी डलर (२७ लाख २० हजार रुपैयाँ) क्षतिपूर्ति पाउँछन् ।

तर, विधेयकमार्फत सो रकम १ लाख डलर (१ करोड ३६ लाख रुपैयाँ) पुर्याउने तयारी गरिएको छ । योसँगै दुर्घटनामा मृत्यु भएमा सम्बन्धित वायुसेवाले क्षतिपूर्ति बापत मृतकका परिवारलाई १ लाख डलर बराबरको रकम उपलब्ध गराउनु पर्ने मस्यौदामा उल्लेख छ । दुर्घटनामा घाइते वा अंगभंग भएमा सम्बन्धित वायुसेवा कम्पनीले नै उपचार गरिदिनु पर्ने प्रावधान समेत मस्यौदामा राखिएको छ ।

CITIZEN LIFE INSURANCE
TESLA AIR CONDITIONER
Hamro Parto AD
KAMANA SEWA BIKAS BANK
NMB BANK

प्रतिक्रिया दिनुहोस्

एक्स्क्लुसिभ स्टोरी