काठमाडौँ । वैदेशिक रोजगारीका लागि विभिन्न देश पठाउने भन्दै रकम ठगी गर्ने चार जना पक्राउ परेका छन् । पक्राउ पर्नेमा ५५ वर्षीय योगेश गुरुङ, ३८ वर्षीय खेम कुमार श्रेष्ठ मानन्धर, ५२ वर्षीय रामचन्द्र शर्मा र ६२ वर्षीय राजु मगर रहेका छन् ।
उनीहरुलाई काठमाडौँ उपत्यका अपराध अनुसन्धान कार्यलयबाट खटिएको प्रहरी टोलीले पक्राउ गरेको हो ।
प्रहरीका अनुसार उनीहरुले आकर्षक तलबको प्रलोभन देखाएर क्यानडा, युएई, क्रोएसिया लागायतका देश पठाउने भन्दै रकम ठगी गरेका थिए । पक्राउ परेका गुरुङले एक जनालाई क्यानडा पठाउने भन्दै ८ लाख रुपैयाँ, मानन्धरले ४ जनालाई युएई पठाउने भन्दै ५ लाख, शर्माले क्रोयसिया पठाउने भन्दै २ लाख ३५ हजार र मगरले अमेरिका पठाउने भन्दै ४ लाख रुपैयाँ ठगी गरेर सम्पर्क विहीन भएका थिए ।
हाल पक्राउ परेका चारै जनालाई थप अनुसन्धान तथा आवश्यक कारवाहीका लागि वैदेशिक रोजगार विभाग पठाईएको छ ।
