काठमाडौँ । ट्रेड टावर लिमिटेडको नाफा ९९.३८ प्रतिशतले घटेको छ । कम्पनीले प्रकाशित गरेको गत आर्थिक वर्षको चौथो त्रैमाससम्म अपरिस्कृत वित्तीय विवरण अनुसार कम्पनीले १ लाख ३० हजार रुपैयाँ खुद नाफा कमाएको छ । कम्पनीले अघिल्लो आर्थिक वर्षको सोही अवधिमा २ करोड १३ लाख रुपैयाँ खुद नाफा कमाएको थियो ।
समीक्षा अवधिमा कम्पनीको कुल आम्दानी भने बढेको छ । यस अवधिमा कम्पनीले कुल १९ करोड ४७ लाख रुपैयाँ आम्दानी गरेको छ । जुन अघिल्लो आर्थिक वर्षको तुलनामा ७५.५६ प्रतिशत बढी हो ।
कम्पनीको वित्तीय विवरण अनुसार कम्पनीको वित्त खर्च १ करोड ४७ लाख रुपैयाँबाट बढेर ४ करोड ३४ लाख रुपैयाँ पुगेको छ । कम्पनीको कुल चालु सम्पत्ति १७ करोड ९ लाख र कुल चालु दायित्व २९ करोड ५० लाख रुपैयाँ रहेको छ ।
नाफासँगै समीक्षा अवधिमा कम्पनीको प्रतिशेयर आम्दानी (ईपीएस) पनि घटेको छ । यस अवधिमा कम्पनीको यस्तो आम्दानी ५ रुपैयाँ ६१ पैसा घटेर २ पैसामा सीमित भएको छ । कम्पनीको प्रतिसेयर नेटवर्थ १०५ रुपैयाँ ९३ पैसा रहेको छ । ८१ करोड ५६ लाख रुपैयाँ चुक्ता पूँजी रहेको यस कम्पनीको अन्य इक्विटीमा ४ करोड ८३ लाख रुपैयाँ रहेको छ ।
