काठमाडौँ । साताको कारोबारको पहिलो दिन आइतबार सेयर बजार मापक नेप्से परिसूचक घटेको छ । आइतबार नेप्से परिसूचक १८.०२ अंकले घटेर २७३९.९५ बिन्दुमा पुगेको हो ।

नेप्सेमा कुल ३२३ कम्पनीको १ करोड ४० लाख ९ हजार ७०८ कित्ता सेयर खरिद बिक्री हुँदा रू. ६ अर्ब ५४ करोडमाथिको सेयर कारोबार भएको छ । आज सबैभन्दा धेरै कारोबार हिमालयन डिष्टिलरी लिमिटेडको भएको छ । यस कम्पनीको १ अर्ब ७५ करोड ७९ लाख रुपैयाँ बराबरको कारोबार भएको छ ।

आजको बजारमा विकास हाइड्रोपावर कम्पनीका लगानीकर्ताले सबैभन्दा धेरै नाफा कमाएका छन् । यस कम्पनीको सेयर मूल्य ९ प्रतिशतभन्दा धेरैले बढेको छ ।

यता, नारायणी डेभलपमेन्ट बैंक लिमिटेडका लगानीकर्ताले भने सबैभन्दा धेरै गुमाएका छन् । यस कम्पनीको सेयर मूल्य ७ प्रतिशतभन्दा धेरैले घटेको हो ।