काठमाडौँ । आज (मंगलबार)देखि १५ मिनेटको भारित औसत मूल्य गणना विधि हटेको छ । नेपाल स्टक एक्सचेञ्ज (नेप्से)ले १५ मिनेको नियम आजैदेखि हटेको जनाएको हो ।
योसँगै अब अन्तिम कारोबार मूल्यका आधारमा नेप्से परिसूचक गणना हुनेछ ।
यसअघिसम्म २ बजेर ४५ मिनेटदेखि ३ बजेसम्मको कम्पनीको भारित औसत मूल्यका आधारमा समूहगत सूचक र नेप्से परिसूचक गणना हुँदै आएको थियो । अब भने सो विधि अनुसार गणना नहुने भएको छ ।
नेप्सेले १५ मिनेटको भारित औसत मूल्य गणना विधि चैत ७ गतेदेखि लागू गरेको थियो । लगानीकर्ताले उक्त विधिको चर्को विरोध गरेपछि उक्त नियम खारेज भएको हो ।
