काठमाडौँ । नेपाल स्टक एक्सचेञ्ज (नेप्से)का अध्यक्ष हेमन्त बस्यालमाथि दुर्व्यवहार भएको छ । मंगलबार नेप्सेका कर्मचारीले नै अध्यक्षमाथि दुर्व्यवहार गरेका हुन् ।
मंगलबार अचानक आक्रोशित हुँदै अध्यक्षको चेम्बरमा प्रवेश गरेका कर्मचारीले चेम्बरमै अध्यक्षमाथि दुर्व्यवहार गरेका थिए ।
कर्मचारीहरु चर्काचर्की गर्दै दुर्व्यवहार गरेपछि अध्यक्ष उठेर घरतिर हिँडेका थिए । नेप्सेका कर्मचारीका अनुसार अध्यक्षको कार्यशैली मन नपराउने केही कर्मचारीले अध्यक्षमाथि दुर्व्यवहार गरेका हुन् ।
ती कर्मचारीका अनुसार अध्यक्ष नियुक्त भएदेखि नै धमाधम विभिन्न काम थालेका अध्यक्ष बस्यालले कर्मचारीलाई एकपछि अर्को निर्देशन दिन थालेपछी कर्मचारी उनको कार्यशैलीप्रति असन्तुष्ट देखिएका थिए । ‘मंगलबार त अध्यक्षज्यूको चेम्बरमै गएर चर्काचर्की गरे । गाली पनि गरे ।’, ती कर्मचारीले भने, ‘हद भएपछि अध्यक्षज्यू उठेर हिँड्नुभएको हो ।’
