काठमाडौँ । अन्तराष्ट्रिय मुद्रा कोष (आईएमएफ)ले नेपालको आर्थिक वृद्धिदर प्रक्षेपण घटाएको छ । कोषले चालु आर्थिक वर्षमा नेपालको आर्थिक वृद्धिदर ५.२ प्रतिशत हुने प्रक्षेपण गरेको हो ।
यसअघि कोषको फ्ल्यागसिप प्रकाशन वल्र्ड इकोनोमिक आउटलुकले सन् २०२६ मा ५.५ प्रतिशत आर्थिक वृद्धि हुने प्रक्षेपण गरेको थियो ।
यसो त जेन–जी आन्दोलनपछि आईएमएफले मात्र होइन, विश्व बैंकले पनि नेपालको आर्थिक वृद्धिको प्रक्षेपण व्यापक घटाएको थियो । तर, आईएमएफले भने यसअघि गरिएको आर्थिक वृद्धिको प्रक्षेपण सामान्य मात्र घटाएको छ ।
त्यस्तै, आईएमएफले यस वर्ष विश्वव्यापी आर्थिक वृद्धि ३.२ प्रतिशत र अर्को वर्ष ३.१ प्रतिशत रहने प्रक्षेपण गरेको छ ।
