काठमाडौँ । राष्ट्रिय वाणिज्य बैंकको एटिएम तोडफोड गरेको आरोपमा एक युवक पक्राउ परेका छन् । जेन-जी प्रदर्शनका क्रममा प्रहरी वृत्त थिमीसँगै रहेको बैंकको एटिएम तोडफोड गरेको भन्दै प्रहरीले एक युवकलाई पक्राउ गरेको हो ।
पक्राउ पर्नेमा सिन्धुपाल्चोकको बलेफी गाउँपालिका-८ घर भएर हाल भक्तपुरको थिमी बस्दै आएका २९ वर्षीय बुद्धिमान तामाङ छन् ।
अनुसन्धानका क्रममा तामाङले बैंकको एटिएम तोडफोड गरेको खुलेको छ । अनुसन्धानले भदौ २४ गते प्रहरी वृत्त थिमीमा आगजनी भएपछि उनले एटिएम तोडफोड गरेको देखाएको छ ।
हाल पक्राउ परेका तामाङमाथि प्रहरी वृत्त थिमीले अनुसन्धान गरिरहेको छ ।
