काठमाडौँ । विदेश घुम्न जाने नेपालीहरुले पछिल्लो ३ महिनामा साढे २१ अर्ब रुपैयाँ खर्च गरेका छन् । नेपाल राष्ट्र बैंकले सार्वजनिक गरेको तथ्यांक अनुसार चालु आर्थिक वर्षको पछिल्लो तीन महिनामा विदेश घुम्न जाने नेपालीहरुले २१ अर्ब ६३ करोड रुपैयाँ खर्च गरेका हुन् ।
यस अवधिमा नेपालको सेवा खाता अन्तर्गत भ्रमण व्यय १६.४ प्रतिशतले वृद्धि भएर ६४ अर्ब ५९ करोड रुपैयाँ पुगेको छ । शिक्षातर्फको व्यय भने ४२ अर्ब ९६ करोड रुपैयाँ पुगेको छ ।
त्यस्तै, सोही अवधिमा विदेशबाट घुम्न आउने पर्यटकबाट नेपालले १९ अर्ब १९ करोड रुपैयाँ आम्दानी गरेको छ । अघिल्लो वर्षको सोही अवधिमा नेपालले विदेशी पर्यटकबाट १७ अर्ब ७६ करोड रुपैयाँ आम्दानी गरेको थियो ।
समीक्षा अवधिमा नेपालको खुद सेवा आय भने ३२ अर्ब ८६ करोडले घाटामा रहेको छ ।
