काठमाडौँ । साताको कारोबारको चोथो दिन बुधबार सेयर बजार मापक नेप्से परिसूचक बढेको छ । बुधबार नेप्से परिसूचक १०.८७ अंकले बढेर २६३३.७६ बिन्दुमा पुगेको हो ।

नेप्सेमा कुल ३४२ कम्पनीको १ करोड १९ लाख ४६ हजार ३३३ कित्ता सेयर खरिद बिक्री हुँदा रू. ५ अर्ब १३ करोडमाथिको सेयर कारोबार भएको छ । आज सबैभन्दा धेरै कारोबार ग्रीन भेन्चर्स लिमिटेडको भएको छ । यस कम्पनीको १७ करोड ७९ लाख रुपैयाँ बराबरको कारोबार भएको छ ।

आजको बजारमा एसवाई प्यानल नेपालका लगानीकर्ताले सबैभन्दा धेरै नाफा कमाएका छन् । यस कम्पनीको सेयर मूल्यमा पोजेटिभ सर्किट लागेको छ ।

यता, विन नेपाल लघुवित्त वित्तीय संस्था लिमिटेडका लगानीकर्ताले सबैभन्दा धेरै गुमाएका छन् । यस कम्पनीको सेयर मूल्यमा नेगेटिभ सर्किट लागेको छ ।