काठमाडौँ । हप्तामा एक पटकजसो केहि न केहि बिग्रिरहने इसेवामा यसपटक गम्भीर समस्या देखिएको छ । बिहीबार बेलुकीदेखि इसेवामा लग इन नै नहुने समस्या देखिएको हो ।

कम्पनीका कर्मचारीहरुले इसेवा वालेटमा समस्या देखिएको स्वीकार गरेका छन् । यद्यपी सामाजिक संजालमा गाली खाईने भएका कारण यसको जानकारी भने नदिईएको कम्पनीका कर्मचारीको दाबी छ ।

‘लग इन नै नहुने समस्या देखिएको छ, प्राविधिक टोलीले हेरिरहेको छ । हरेक हप्ता नयाँ नयाँ समस्या देखिईरहेको छ, फेरी अर्को नयाँ समस्या देखिएको छ ।’ इसेवाका कर्मचारीले भने, ‘रातीसम्म समस्याको समाधान होला । तर दिक्क लागिसक्यो ।’

जगदीश खड्का सीइओ भएपछि इसेवामा महिनैपिच्छे सिरियस समस्या देखिईरहेका छन् । कुनै बेला वालेटमा समस्या आउँदा जानकारी दिने इसेवाका लागि वालेट बिग्रिनु र मौसम बदलिनु उस्तै हुन थालेपछि सोको जानकारी दिन छोडिएको छ ।