• सुदर्शन श्रेष्ठ/अर्थ सरोकार सुदूरपश्चिम ब्युरो 

धनगढी । कोरोना भाइरस (कोभिड १९) को संक्रमण बढीरहेका बेला प्रदेशकै एकमात्र रेफरल सेन्टर सेती प्रादेशिक अस्पतालको सुरक्षा व्यवस्था भने बिजोग रहेको छ । प्रदेशभरीका विभिन्न जिल्लाहरुबाट उपचारका लागि आउने प्रोदेशिक अस्पतालमै सुरक्षा व्यवस्था कमजोर हुँदा कोरोनाको जोखिम यथावत रहेको छ । 

यसो त धनगढीस्थित सेती प्रादेशिक अस्पतालमा प्रदेशभरीका विभिन्न जिल्लाहरुबाट फरक फरक रोगका बिरामीहरु उपचारका लागि पुग्ने गर्दछन् । जसमध्ये कोरोनाका बिरामीहरुपनि पुग्ने गरेका छन् । केही समय अगाडी सेती प्रादेशिक अस्पताललाई कोरोना अस्पतालको रुपमा स्थापित गरि कोरोना संक्रमितको उपचार समेत गरिदै आएको थियो । सरकारी अस्पतालको सेवा निजि अस्पतालको भन्दा सस्तो र सबैको पहुँचयोग्य हुने भएकोले वृद्धवृद्धादेखि ग्रामीण क्षेत्रका बिरामी उपचारका लागि आउने गर्दछन् । तर अस्पतालमा सामाजिक दुरी तथा सुरक्षा व्यवस्था फितलो हुँदा संक्रमणको जोखिम रहेको सजिलै अनुमान गर्न सकिन्छ । 

सामान्य रोगको उपचारका लागि निजि अस्पतालले चर्को शुल्क लिने हुँदा सस्तो उपचारको खोजिमा लम्किदेखि सेती प्रादेशिक अस्पताल पुगेका रामरतन रानाले जोखिम मोलेरै सेवा लिन बाध्य भएको बताए । उनले भने, ‘सबैलाई आफ्नो ज्यान प्यारो हुने रहेछ, कोरोनाको महामारीकाबीचपनि अस्पताल पुग्नुपर्ने, त्यसमा पनि अस्पतालको अस्तव्यस्त अवस्था देख्दा झनै विरक्त लाग्छ ।’ सेती प्रादेशिक अस्पतालको अव्यवस्थित सेवा ! हेर्नुहोस् फोटो फिचरमा…