काठमाडौँ । चलचित्र ‘लालीबजार’को प्रदर्शन रोक्न अदालतले आदेश दिएको छ । उच्च अदालत पाटनका न्यायाधीश प्रकाश ढुंगानाको एकल इजलासले ‘लालीबजार’को प्रदर्शन रोक्न आदेश जारी गरेको हो । 

चलचित्र ‘लालीबजार’मा केही शब्दहरुमा आपत्ति जनाउँदै वादी समुदायको तर्फबाट रोशनी नेपालीले मुद्दा दायर गरेकी थिइन् । 

यम थापाले निर्देशन गरेको उक्त फिल्म बैशाख १८ गते प्रदर्शनको तयारीमा थियो । तर, अदालतको आदेशपछि १८ गते प्रदर्शन गरिने भनिएको फिल्मको प्रदर्शन रोकिने भएको छ ।