काठमाडौँ । बागमती प्रदेशका मुख्यमन्त्री इन्द्रबहादुर बानियाँको घर र कार्यालयमा सम्पत्ति शुद्धीकरण विभागले छापा मारेको छ । अवैध सम्पत्ति लुकाएको आशंकामा विभागले बानियाँको घर र कार्यालयमा छापा मारेको हो । 

विभाग स्रोतका अनुसार बानियाँको हेटौँडास्थित घर र हेटौँडामै रहेको बानियाँ निर्माण सेवामा छापा मारिएको छ । विभागले उनको घर र कार्यालयबाट केही कागजपत्र समेत नियन्त्रणमा लिएको छ । 

नेपाली काँग्रेस बागमती प्रदेश सभापति समेत रहेका बानियाँ केही वर्षअघिसम्म निर्माण व्यवसायी कम्पनीमा आबद्ध थिए । 

उनको सम्पत्ति र कारोबारमा अस्वभाविक गतिविधि देखिएपछि उनीमाथि अनुसन्धान अघि बढाइएको छ । सोही क्रममा उनको घर र कार्यालयमा छापा मारिएको विभाग स्रोतले बताएको छ ।