काठमाडौँ । राष्ट्रिय परीक्षा बोर्डले माध्यामिक शिक्षा परीक्षा (एसइई)को नतिजा (रिजल्ट) आजै (सोमबार) सार्वजनिक गर्ने तयारी गरेको छ । 

परीक्षाफल इन्ट्रीपछि रुजु गर्ने काम सकिएको जनाउँदै बोर्डले कुनै प्राविधिक गडबडी नभए रिजल्ट आजै सार्वजनिक गर्ने तयारी भइरहेको जनाएको छ । 

यसो त बोर्डले यसअघि नै बैशाख २९ गतेभित्रै रिजल्ट सार्वजनिक गर्ने बताएको थियो । रुजु गर्ने काम सकिएकाले सम्भवतः आजै रिजल्ट आउने बोर्डका एक उच्च अधिकारीले बताएका छन् ।

ती अधिकारीका अनुसार हाल बोर्डले रिजल्ट सार्वजनिक गर्ने अन्तिम तयारी गरिरहेको छ ।