काठमाडौँ । साताको कारोबारको चोथो दिन बिहीबार सेयर बजार मापक नेप्से परिसूचक घटेको छ । बिहीबार नेप्से परिसूचक १३.४६ अंकले घटेर २७६६.७८ बिन्दुमा पुगेको हो ।

नेप्सेमा कुल ३५३ कम्पनीको १ करोड ६ लाख १७ हजार ४८३ कित्ता सेयर खरिद बिक्री हुँदा रू. ४ अर्ब ७० करोडमाथिको सेयर कारोबार भएको छ । आज सबैभन्दा धेरै कारोबार ८.५% एभरेष्ट बैंक डिबेन्चर २०८६को भएको छ । यस कम्पनीको ३४ करोड १ लाख रुपैयाँ बराबरको कारोबार भएको छ ।

आजको बजारमा कालिन्चोक हाइड्रोपावरका लगानीकर्ताले सबैभन्दा धेरै नाफा कमाएका छन् । यस कम्पनीको सेयर मूल्य १४ प्रतिशतभन्दा धेरैले बढेको छ ।

यता, ८.५% सिद्धार्थ बैंक डिबेन्चर २०८४का लगानीकर्ताले भने सबैभन्दा धेरै गुमाएका छन् । यस कम्पनीको सेयर मूल्य १० प्रतिशतभन्दा धेरैले घटेको छ ।