काठमाडौँ । साताको कारोबारको चौथो दिन बिहीबार सेयर बजार मापक नेप्से परिसूचक घटेको छ । बिहीबार नेप्से परिसूचक ८.५० अंकले घटेर २६५१.५२ बिन्दुमा पुगेको हो ।

नेप्सेमा कुल ३३८ कम्पनीको ६४ लाख ८० हजार ५९९ कित्ता सेयर खरिद बिक्री हुँदा रू. २ अर्ब ८३ करोडमाथिको सेयर कारोबार भएको छ । आज सबैभन्दा धेरै कारोबार सोपान फर्मासयुटिकल्सको भएको छ । यस कम्पनीको १२ करोड ७७ लाख रुपैयाँ बराबरको कारोबार भएको छ ।

आजको बजारमा टक्सार पिखुवा खोला हाइड्रोपावरका लगानीकर्ताले भने सबैभन्दा धेरै नाफा कमाएका छन् । यस कम्पनीको सेयर मूल्य १४ प्रतिशतभन्दा धेरैले बढेको छ ।

यता,  भुजुङ्ग हाइड्रोपावरका लगानीकर्ताले भने सबैभन्दा धेरै गुमाएका छन् । यस कम्पनीको सेयर मूल्य ११ प्रतिशतभन्दा धेरैले घटेको छ ।