काठमाडौँ । भारतीय विमानस्थल हुँदै नेपाली श्रमिकलाई वैदेशिक रोजगारीमा पठाउने १ सय ५९ म्यानपावर कम्पनी कारवाहीमा परेका छन् । वैदेशिक रोजगार विभागले ‘वैदेशिक रोजगार ऐन, २०६४’ को दफा २२ विपरीत कार्य गरेको ठहर गर्दै कारवाही गरेको हो ।

उनीहरुलाई पहिलो पटकका लागि सचेत गराउने कारवाही गरिएको वैदेशिक रोजगार विभागले जनाएको छ ।

यसो त विभागले १ हजार १ सय १७ म्यावपावर कम्पनीलाई स्वदेशी विमानस्थल प्रयोग गर्नुपर्ने कानूनी व्यवस्था पालना नभए÷नभएको विषयमा अध्ययन गर्न २०८२ चैतदेखि २०८३ जेठ मसान्तसम्म श्रम स्वीकृति लिएर विदेश गएका श्रमिकको उडान विवरण मागेको थियो ।

विभागका अनुसार ६ सय ७८ म्यानपावर कम्पनीले मात्र विवरण बुझाएका थिए । ती मध्ये १ सय ५९ कम्पनीले बिना स्वीकृति भारतका विमानस्थल प्रयोग गरेर नेपाली श्रमिकलाई वैदेशिक रोजगारीमा पठाएको पाइएको छ ।

सञ्चालनमा रहेका एक हजार ११७ इजाजतप्राप्त संस्थामध्ये ६७८ संस्थाले मात्रै माग गरिएको विवरण बुझाएका थिए । विवरण बुझाएका संस्थामध्ये १५९ संस्थाले विभागको स्वीकृतिबिनै भारतका विमानस्थल प्रयोग गरी श्रमिक पठाएको पाइएको छ । विवरण नबुझाउने कम्पनीलाई पहिलो पटक सेचत गराउँदै विभागले विवरण बुझाउन निर्देशन दिएको छ ।

त्यस्तबै, विभागले पटक–पटक नियम उल्लंघन गर्ने ८ वटा म्यापावर कम्पनीलाई जनही ५० हजार रुपैयाँ जरिवाना तिराएको छ ।