काठमाडौँ । तालाबन्दी गर्ने भन्दै सेयर लगानीकर्ताको एउटा समूह धितोपत्र बोर्ड पुगेको छ । मंगलबार सेयर लगानीकर्ता तिलक कोइरालाको नेतृत्वमा उक्त समूह बोर्डको कार्यालय पुगेको हो । 

तर, सेयर लगानीकर्ता भन्दा सुरक्षाकर्मी धेरै हुँदा तालाबन्दी गर्ने काम अघि नबढेको आन्दोलनमा सहभागी एक लगानीकर्ताले अर्थ सरोकारलाई बताए । 

यता लगानीकर्ता तिलक कोइरालाले पनि आफूहरु बोर्डमा तालाबन्दी गर्न आएको भए पनि अहिलेसम्म तालाबन्दी नगरेको र अब के गर्ने ? भन्ने विषयमा सोचिरहेको बताएका छन् । 

अहिले धितोपत्र बोर्डमा ठूलो संख्यामा नेपाल प्रहरी र सशस्त्र प्रहरी परिचालन गरिएको छ । बोर्ड घेराउ गर्न र तालाबन्दी गर्ने भन्दै पुगेका सेयर लगानीकर्तालाई गेटभित्र प्रवेश गर्न दिइएको छैन । अन्य सेयर  लगानीकर्ताहरु पनि आउने क्रम जारी रहेको र त्यसपछि के गर्ने भन्ने ? विषयको टुंगो लाग्ने कोइरालाले बताएका छन् ।