काठमाडौँ । साताको कारोबारको तेश्रो दिन बुधबार सेयर बजार मापक नेप्से परिसूचक बढेको छ । बुधबार नेप्से परिसूचक ०.५५ अंकले बढेर २६४२.४० बिन्दुमा पुगेको हो ।

नेप्सेमा कुल ३४८ कम्पनीको ८७ लाख १ हजार ९४४ कित्ता सेयर खरिद बिक्री हुँदा रू. ३ अर्ब ५३ करोडमाथिको सेयर कारोबार भएको छ । आज सबैभन्दा धेरै कारोबार एनआरएन इन्फ्रास्टक्चर एण्ड डेभलपमेन्ट लिमिटेडको भएको छ । यस कम्पनीको ३१ करोड ६० लाख रुपैयाँ बराबरको कारोबार भएको छ ।

आजको बजारमा माउन्ट एभरेस्ट पावर डेभलपमेन्टका लगानीकर्ताले सबैभन्दा धेरै नाफा कमाएका छन् । यस कम्पनीको सेयर मूल्यमा पोजेटिभ सर्किट लागेको छ ।

यता, १२% आइसिएफसि फाइनान्स लिमिटेड डिबेन्चर २०८३ का लगानीकर्ताले भने सबैभन्दा धेरै गुमाएका छन् । यस कम्पनीको सेयर मूल्यमा नेगेटिभ सर्किट लागेको छ ।