काठमाडौँ । प्रधानमन्त्रीसँग सांसदहरुको प्रश्नोत्तर कार्यक्रम स्थगित भएको छ । बुधबार हुने भनिएको प्रधानमन्त्रीसँग सांसदहरुको प्रश्नोत्तर कार्यक्रम स्थगित भएको हो । 

भोटेकोशीमा आएको भीषण बाढीका कारण विभिन्न जिल्लामा पुगेको भौतिक तथा मानवीय क्षतिका कारण सो कार्यक्रम स्थगित गर्नुपरेको संघीय संसद सचिवालय स्रोतले जनाएको छ ।

स्रोतका अनुसार बाढीले पुर्याएको क्षतिपछि प्रधानमन्त्री विपद्को खोज, उद्धार तथा राहतको विषयमा विभिन्न संयन्त्रसँग छलफलमा व्यस्त भएका कारण प्रधानमन्त्रीसँग प्रश्नोत्तर कार्यक्रम स्थगित गर्नुपरेको हो । 

प्रधानमन्त्रीसँगै सांसदको प्रश्नोत्तर कार्यक्रम स्थगित भए पनि संसद बैठक भने चल्नेछ । बैठकमा विपदका विषयमा छलफल हुनेछ । बैठकमा गृहमन्त्री सुधन गुरुङले बाढी र बाढीले पुर्याएको क्षतिबारे संसदलाई जानकारी गराउने तयारी रहेको संसद सचिवालयले जनाएको छ ।