काठमाडौँ । दशैँलाई लक्षित गर्दै सार्वजनिक यातायातको अग्रिम टिकट बुकिङ असोज २३ गतेदेखि खुला हुने भएको छ । यातायात व्यवसायीसहित सरोकारवाला निकायहरुबीच भएको उच्चस्तरीय बैठकले असोज २३ गतेदेखि अग्रिम टिकट बुकिङ खुला गर्ने निर्णय गरेको हो । 

बैठकमा यातायात व्यवसायी राष्ट्रिय महासंघ, यातायात श्रमिक संगठनहरु, नेपाल प्रहरी, ट्राफिक प्रहरी र ल्होत्से बहुउद्धेश्यीय प्रालिका प्रतिनिधिहरु सहभागी थिए ।

छलफलपछि असोज २३ गतेदेखि अग्रिम टिकट बुकिङ खुला गर्ने सहमति जुटेको बैठकमा सहभागी एक यातायात व्यवसायीले बताएका छन् । अग्रिम टिकट बुकिङ खुला हुने भएसँगै टिकट बुकिङबारे यात्रुमा रहेको अन्योल हट्ने विश्वास गरिएको छ । 

त्यस्तै, बैठकले यसवर्ष दशैँ अवधिभर १० लाख भन्दा बढी यात्रुले काठमाडौँ उपत्यका छोड्ने अनुमान गरिएको छ ।