• अर्थ सरोकार सम्बाददाता 

काठमाडौं । नेपालमा हालसम्म कोरोना संक्रमण निको हुनेको संख्या ५ हजार ३२० पुगेको छ । स्वास्थ्य तथा जनसंख्या मन्त्रालयले नियमित पत्रकार सम्मेलनमार्फत बिहिबारसम्म निको हुनेको संख्या ५ हजार ३०३ पुगेको जनाएको हो । मन्त्रालयले पछिल्लो २४ घन्टामा मात्रै थप ६६४ जना कोरोना संक्रमण मुक्त भएको बताएको हो । 

यस्तै आज एकै पटक थप ४७३ जनामा कोरोना संक्रमण पुष्टी भएको छ । योसँगै नेपालमा कोरोना संक्रमितको कुल संख्या १४ हजार ५१९ पुगेको छ । कोरोनाबाट नेपालमा थप १ जनाको मृत्यु पनि भएको छ भने कुल मृत्यु हुनेको संख्या ३१ जना पुगेको छ ।