काठमाडौँ – नेरुडे लघुवित्त वित्तीय संस्थाको चालु आर्थिक वर्षको दोस्रो त्रैमासको वित्तीय विवरण प्रकाशित गरेको छ । संस्थाले यस अवधिमा आउदा अधिकांश सूचकहरु उत्साहजनक रहेको वित्तीय विवरण प्रकाशित गरेको हो ।
नेरुडेले चालु आर्थिक वर्षको दोस्रो त्रैमासमा ६ करोड ५ लाख रुपैयाँ खुद मुनाफा कमाउन सफल भएको छ । जुन गत वर्षको यसै अवधिको तुलनामा ५८.४४% ले बढेको हो । गत वर्षको यसै अवधिको यसै अवधिमा ३ करोड ८१ लाख रुपैयाँ मात्र खुद नाफा कमाएको थियो ।
यस्तै पुस मसान्तसम्म २ अर्ब १४ रुपैयाँ निक्षेप संकलन गरी ५ अर्ब ३१ करोड कर्जा लगानी गर्न सफल भएको पनि वित्तीय विवरणमा उल्लेख छ । साथै खुद ब्याज आम्दानी र सञ्चालन नाफा पनि क्रमशः २२.३३% र ६०.०४% ले बढेको छ ।
हाल यसको चुक्ता पुँजी ३९ करोड ७६ लाख रुपैयाँ छ भने जगेडा कोषमा भने ४६ करोड ३४ लाख रुपैयाँ रहेको छ । प्रतिसेयर आम्दानी ३० रुपैयाँ ४३ पैसा (वार्षिक) रहेको र प्रतिसेयर नेटवर्थ २१६ रुपैयाँ ५५ पैसा रहेको छ ।
