• अर्थ सरोकार सम्बाददाता

काठमाडौं । यूनाइटेड इन्स्योरेन्स कम्पनी लिमिटेडको प्रमुख कार्यकारी अधिकृतमा उपासना पौडेल नियुक्त भएकी छिन् । उनी उक्त सिइओ पदमा आगामी ४ वर्षका लागि नियुक्त भएकी हुन् । उनको नियुक्तिसँगै उनी बीमा क्षेत्रको प्रथम महिला प्रमुख कार्यकारी अधिकृत बन्न सफल भएकी छिन् । उनी ३४ वर्षको उमेरमा उक्त गरिमामय पदमा बहाल हुन सफल भएकी हुन् ।

विगत १ दशक भन्दा बढि कार्यानुभव भएको तथा छिमेकी मुलुक भारतको श्री दिल्ली विश्वविद्यालयको फ्याकल्टी अफ मेनेजमेन्ट स्टडिज (FMS)बाट एम.बि.एसम्मको अध्ययन पुरा गरेकी छिन् । उनले भारतमा नै बीमा व्यवसयाको क्षेत्रमा प्रवेश गरेकी थिइन् । उनले यसअघि यूनाइटेड इन्स्योरेन्स कम्पनी लिमिटेडमा निमित्त प्रमुख कार्यकारी अधिकृतको रुपमा कार्य गर्दै आएकी थिइन् ।