काठमाडौँ – सांग्रिला डेभलपमेन्ट बैंक लिमिटेडले आफ्नो संस्थागत सामाजिक उत्तरदायित्व अन्तर्गत प्रदेश नं. ३, ललितपुर महानगरपालिका वडा नं. ७ ग्वार्कोमा सन्चालित क्वेष्ट इन्टरनेसनल कलेज अन्तगर्तको क्वेष्ट सोसेल क्लवका बिधार्थीहरुलाई वित्तीय सहयोग प्रदान गरेको छ । 

बैंकको सहकार्यमा क्वेष्ट इन्टरनेसनल कलेज अन्तगर्तको क्वेष्ट सोसेल क्लवका विधार्थीहरुद्वारा  मंगलबजार, ग्वार्को र इमाडोलमा सरसफाई कार्यक्रम र कलेज प्राङ्गणमा रक्तदान कार्यक्रम, दाँत तथा आँखाको निःशुल्क जाँच साथै अनाथ बालबालिका तथा असहाय महिलाहरुको लागि बनेको संस्था नेपाल स्नेहिकाखलाई आवश्यक समाग्री प्रदान गरेको छ । यसरी बैंकले आफ्ना ग्राहकहरुलाई बैंकिङ्ग सेवाको अतिरिक्त बेला बेलामा आफ्नो देशभर रहेका ८७ शाखा कार्यालयहरुबाट आफ्नो आवश्यकता अनुसार सामाजिक उत्तरदायित्व अन्तर्गत विभिन्न सामाजिक संस्थाहरुलाई सहयोग गर्दै आईरहेको छ ।