- अर्थ सरोकार सम्बाददाता
काठमाडौं । नेपाल इन्फ्रास्ट्रक्चर बैंकले चालू आर्थिक वर्षको तेस्रो त्रैमासमा ५८ करोड ९२ लाख ८९ हजार खुद नाफा कमाएको छ । बैंकको यो नाफा गत वर्षको सोहि अवधिको तुलनामा १ दशमलव २४ प्रतिशतले धेरै हो । गत वर्षको यसै अवधिमा बैंकले ५८ करोड २० लाख ७० हजार नाफा कमाएको थियो ।
सार्वजनिक वित्तीय विवरण अनुसार बैंकको वितरणयोग्य नाफा भने ४६ करोड ३२ लाख ५६ हजार रहेको छ । गत वर्षभन्दा शून्य दशमलव ६१ प्रतिशत बढी ८३ करोड ५५ लाख ३९ हजार सञ्चालन नाफा गरेको बैंकको कुल सञ्चालन आम्दानी १ दशमलव शून्य ३ प्रतिशत बढी ९३ करोड ७२ लाख १ हजार भएको छ ।
जगेडा कोषमा पनि २ अर्ब १५ करोड ३६ लाख ३७ हजार रहेको छ । यस अवधिसम्म बैंकले गत वर्षभन्दा २३ दशमलव ७९ प्रतिशत बढी ३० करोड ९४ लाख ६५ हजार निक्षेप संकलन गरेको छ । २७६ दशमलव ६३ प्रतिशत बढी २ अर्ब १९ करोड ५६ लाख ३८ हजार कर्जा प्रवाह गरेको छ । बैंकको प्रतिशेयर आम्दानी ५ दशमलव शून्य २ र प्रतिशेयर नेटवर्थ ११० दशमलव ७७ रहेको छ ।
