">
- अर्थ सरोकार सम्बाददाता
काठमाडौँ- बैंक छोडेका कर्मचारीहरुबाट नियम विपरित रकम असुलेर कर्मचारी रुवाउने र नेपाल राष्ट्र बैंकका अगाडी दादागिरी देखाउने जनता बैंकको रबैयाको फाइल प्रधानमन्त्री तथा मन्त्री परिषद्को कार्यालयसम्म पुगेको छ । जनता बैंकले बैंक छोड्दा कर्मचारीबाट मोटो रकम असुल गरेको, रकम असुल नगरी रिलिज लेटर नदिएको, नेपाल राष्ट्र बैंकको गुनासो व्यवस्थापन इकाईमा गुनासो गर्दासमेत कुनै सुनुवाईको पहल नगरेको लगायतका विवरण र जनता बैंकले गैरकानुनी रुपमा कर्मचारीहरुबाट रकम असुल उपर गरेको प्रमाणसहित प्रधानमन्त्री कार्यालयमा यो प्रकरण पुगेको हो ।
प्रधानमन्त्रीको कार्यालयका अनुसार सीता ढकाल र सुर्य बहादुर बस्नेतले यो प्रकरण प्रधानमन्त्री कार्लायमा प्रक्रियामा अगाडी बढाएका थिए भने अर्थ मन्त्रालयका शाखा अधिकृत श्याम प्रसाद आचार्यलाई फरवार्ड गरेको थियो । यो प्रकरण राष्ट्रिय सतर्कता केन्द्रका डालनाथ अर्यालसमक्ष पनि पुर्याईएको छ । अर्थमन्त्रालयले नेपाल राष्ट्र बैंकमा समेत परिपत्र गरी यो प्रकरणमा के कसो भएको हो बुझी, आवश्यक कारवाही गरी सो को जानकारी प्रधानमन्त्री तथा मन्त्री परिषद्को कार्यालयमा जानकारी गराउन भनिएको छ ।
भएको के हो ?
जनता बैंक नेपाल लिमिटेडले बैंकबाट जागिर छोडेकाहरुबाट चर्को रकम असुली गरेको प्रमाण फेला परेको हो । यस विषयमा अर्थ सरोकार डटकमले पटक पटक प्रमाणसहित समाचार प्रकाशन गरेपछि यो प्रकरण प्रधानमन्त्री तथा मन्त्री परिषद्को कार्यालयसम्म पुगेको थियो । आफूकहाँ उजुरी आइसकेपछी कार्यालयले सम्बन्धि निकायहरुमा यस विषयमा परिपत्र गरिसकेको छ । तर नेपाल राष्ट्र बैंकले पनि सानालाई पेल्ने र ठुलालाई केहि नगर्ने प्रवृतिका कारण यो प्रकरण सेलाउने डर पनि उस्तै छ । अर्थमन्त्री डा. युवराज खतिवडाका छोरासमेत जनता बैंकमै काम गर्ने भएकाले पनि यो प्रकरणमा जनतालाई कारवाही नहुने शंका धेरैले गरेका छन् ।
यो पनि पढ्नुहोस् :
