- अर्थ सरोकार सम्बाददाता
काठमाडौँ- पर्यटनमन्त्री रविन्द्र अधिकारीले पुष २३ गते पत्रकार सम्मेलन गर्दै अनुमान र पूर्वाग्रहका आधारमा वाइडबडी विमान खरिदमा आफ्नो नाम जोड्ने काम भएको दाबी गरेका छन् । पत्रकारको प्रश्नको उत्तर दिँदै उनले आफुले लेखापरिक्षकसँग अनौपचारिक कुराकानी गरेको दावीसमेत गरे । उनले सार्वजनिक लेखा समितिमा पनि आफुले अनौपचारिक कुराकानी गरेको बताएको दावी गरे ।
हामीले उनको कुरा भेरिफाइ गर्न पुष १० गते बसेको सार्वजनिक लेखासमितिको बैठकको भिडियो आर्काइभमा खोज्यौं । पत्ता लाग्यो कि उनले झुट बोलेका रहेछन् । किनकि उक्त दिन उनले आफुले महालेखालाई बोलाएर नै छलफल गरेको बताएका छन् ।
उनको पुष १० गते यस्तो बताएलगत्तै पुष ११ गते महालेखापरीक्षकले आफुसँग छलफल नभएको स्पष्टीकरण दिएका थिए । आजको पत्रकार सम्मेलनमा भने उनको झुट छताछुल्ल भएको छ ।
