पोखरा लेखनाथ महानगरपालिका न्यृ्रोडमा प्रधान कार्यालय रहेको पोखरा फाइनान्स लिमिटेड २१औं वर्षमा प्रवेश गरेको छ । २१औं वर्ष प्रवेशको उपलक्ष्यमा संस्थाले प्रधान कार्यालयको प्रांगणमा रक्तदान कार्यक्रम आयोजना गरेको बताइएको छ । रक्तदान कार्यक्रममा ४१ जनाले रक्तदान गरेको प्रमुख कार्यकारी अधिकृत राजकुमार गुरुङले बताए ।

२१औं वर्ष प्रवेशकै अवसरमा संस्थाले वित्तीय साक्षरता एवं सफा नोट अभियान सम्बन्धी प्रभातफेरी कार्यक्रमको आयोजना गरेको छ । पोखराको बिरौटा क्षेत्र वरपर बित्तीय साक्षरता जगाउन यो प्रभातफेरी गरिएको हो । संस्थाले बार्षिकोत्सवकै अवसरमा उत्कृष्ट शाखा तथा दीर्घसेवा पदकबाट कर्मचारीलाई सम्मान गरेको छ भने स्मार्ट मोवाइल बैंकिé सेवाको समेत थालनी गरेको जनाइएको छ ।

चुक्ता पुँजी ८० करोड कायमको लागि संस्थाले हालै १५ प्रतिशत हकप्रद निष्कासन गरिसकेको छ भने शाखा सञ्जाल विस्तार अन्तर्गत भैरहवा एवं वेसीशहरमा शाखा विस्तार गरेको र निकट भविष्यमा नारायणगढमा समेत शाखा विस्तार गरिने प्रमुख कार्यकारी अधिकृत राजकुमार गुरुङले बताए ।