">
- अर्थ सरोकार सम्बाददाता
काठमाडौँ- विप्लवका कार्यकर्ताले चुडामणि शर्माको घर फुटाएका छन् । आज दिउँसो करिव २:३० बजे विप्लवका कार्यकर्ताले शर्माको घर फुटाएका हुन् । विप्लवका कार्यकर्ताले तोडफोड गरेपछि शर्माको घरमा क्षति पुगेको छ ।
अख्तियार दुरुपयोग अनुसान्धन अायोगले खोजिरहेका शर्माको घर मंगलबार दिउँसो तोडफोड भएको हो । घरका सीसा, झ्याल, ढोकासहित अधिकांश भाग क्षति पुगेको छ ।
आन्तरिक राजश्व विभागका तत्कालीन महानिर्देशकविरुद्ध ‘जनकारवाही’ भन्दै उनको घरमा विप्लवका कार्यकर्ताले तोडफोड गरेका हुन् । तोडफोडपछी उनको टोलनै तनावग्रस्त बनेको छ । कार्यकर्ताहरुले उनको घरमा नेकपाको झण्डा र ब्यानर राखेका छन् ।
उनीहरुले शर्माको सम्पत्तिलाई राष्ट्रियकरण गर्न समेत माग गरेका छन् ।
बुढानिलकण्ठ नगरपालिका वडा नम्बर २२ महादेव खोला टोलका वासिन्दा रहेका चुडामणिको घरमा विप्लवका कार्यकर्ताले ढुंगामुडा गर्दा घरको सिसाहरुमा क्षति पुगेको छ ।
यसअघि पनि गत असोज महिनामा उनको घरको गेटमा आगलागी गरिएको थियो ।
