">
- अर्थ सरोकार सम्बाददाता
काठमाडौँ – नेपाल स्टक एक्सचेन्जका नवनियुक्त प्रमुख कार्यकारी अधिकृत चन्द्र सिंह साउदलाई भेटेर सेयर लगानीकर्ता संघ नेपालले अनलाइन कारोबार प्रणाली छिट्टै ल्याउन ध्यानाकर्षण गरेको छ । नवनियुक्त जीएमलाइ बधाई तथा शुभकामना दिने क्रममा संघका पदाधिकारीहरुले नेप्सेले गर्न बाँकी रहेका र तत्काल गर्नुपर्ने कामहरु थुप्रै रहेकाले सोहि अनुसार काम गर्नेबारे साउदको ध्यानाकर्षण गराएका थिए ।
सोमबारको मन्त्रीपरिषद्को बैठकले साउदलाई नेप्सेको प्रमुख कार्यकारी अधिकृतमा नियुक्त गरेको थियो ।
उक्त अवसरमा लगानीकर्ता संघले विशेषगरी अनलाइन कारोबार प्रणाली छिटो ल्याउन जोड दिंदै नवनियुक्त जीएमलाइ सोहि अनुरुप काम गर्न आग्रह समेत गरेको छ । संघका उपाध्यक्ष तारा प्रसाद फुल्लेलले पूँजीबजारको विस्तार र विकासका लागि विगतमा नेप्सेले अघि सारेका बजार सुधारका कामहरुलाई निरन्तरता दिदै समय सापेक्ष नयाँ कार्यक्रमहरु समेत ल्याउन आग्रह गरेको बताए ।
आफुलाई बधाई दिन आएका लगानीकर्ता संघका पदाधिकारीहरुलाई सम्बोधन गर्दै प्रमुख कार्यकारी अधिकृत साउदले अनलाइन कारोबार प्रणाली कार्यान्वयन नै आफ्नो पहिलो प्राथमिकता भएको बताएको बफुल्लेलले जानकारी दिए ।
