• अर्थ सरोकार सम्बाददाता 

काठमाडौँ – एनसेल । नेपालमा टेलिकम सुविधा दिइरहेका निजी कम्पनीहरुमध्ये अग्रणी कम्पनी । अझ एनसेलले दिएका अफरहरु हेर्ने हो भने त निकै लोभलाग्दा छन् । विदेशमा आफन्तलाई फोन गर्न होस् वा प्रेमी / प्रेमिकासँग रातभर कुरा गर्न होस्, एनसेलले विभिन्न खालका स्किमहरु ल्याएको छ । र एनसेलका यी स्किमहरुलाई धेरै सस्तो भनेर प्रयोग पनि गर्छन् । तर एनसेल भित्रको वास्तविकता अर्कै छ । वास्तविक तथ्य केलाउने हो भने एनसेलको कुनैपनि ‘अफर’ वा स्किम सस्तो छैन । हुन पनि एनसेलले आफ्नो ब्रान्डीङ यसरी गरेको छ कि एनसेलले ठग्छ भन्ने कुरा सहज रुपमा पत्याउने ग्राहकहरु छैनन् । त्यसमाथि २-३ रुपैयाँ ठगी नै हाल्यो भनेपनि त्यसको पछी लाग्ने फुर्सद र चाहा दुवै छैन ग्राहकहरुसँग !