काठमाडौं – चैत्र २८ गते देखि मञ्जुश्री फाइनान्सको १० लाख चार हजार ९० कित्ता सेयर लिलामी बिक्री खुला भएको छ । फाइनान्सको संस्थापक समूहको नौ लाख ३५ हजार ७४ कित्ता र सर्वसाधारण समूहको ६९ हजार १६ कित्ता सेयर बैशाख ५ गतेसम्म लिलामीमा किन्न पाइनेछ । लिलामीमा न्यूनतम १०० रुपैयाँ वा त्यो भन्दा बढी भाउ तोकि आवेदन दिनु पर्नेछ । आवेदकले मञ्जुश्रीको बिक्री प्रबन्धक एस क्यापिटल लिमिटेड, लालकोलनी मार्ग लालदरवार, काठमाडौँमा पुग्ने गरी आवेदन दिनुपर्नेछ । 

बोलपत्र बैशाख ६ गते दिउसो ३ बजे एस क्यापिटल लिमिटेडको कार्यालयमा खोलिनेछ । यो आर्थिक वर्षको दोस्रो त्रैमाससम्म आइपुग्दा मञ्जुश्रीको चुक्ता पुँजी २८ करोड ५७ लाख ४१ हजार रुपैयाँ छ । हकप्रद सेयर बिक्रीपछि यसको चुक्ता पुँजीमा अझ बढेको छ । मञ्जुश्रीले चालु आर्थिक वर्षको दोस्रो त्रैमासमा दुई करोड ३७ लाख १५ हजार रुपैयाँ खुद नाफा कमाएको छ । यसको प्रतिसेयर आम्दानी १६ रुपैयाँ ६ पैसा (वार्षिकीकरण) र प्रतिसेयर नेटवर्थ ११८ रुपैयाँ १६ पैसा छ ।