प्युठानको स्वर्गद्वारी दर्शनका लागि काठमाडौँबाट गएका दर्शानार्थी बोकेको गाडी दुर्घटना हुँदा ६ जनाको घटनास्थलमै मृत्यु भएको छ ।

 स्वर्गद्वारीबाट करिब ३ किलोमिटर नजिक भिङ्ग्री–६ रुमाले पुगेको गाडी शुक्रबार विहान दुर्घटना भएको थियो ।प्रहरीका अनुसार बा ८ च १५६१ नम्बरको स्कार्पियो गाडीमा ९ जना सवार थिए । दुर्घटनामा ६ जनाको मृत्यु भएको र तीन जना घाइते छन् ।

घाइते मध्ये २ जना महिला र सवारी चालक रहेका छन् । गाडीका चालक ललितपुर गोटिखेलका सरोज घले भएको प्रहरीले बताएको छ भने मृतकको सनाखत हुन सकेको छैन ।