काठमाडौं – कृषि विकास बैंकले चैत ३१ गते वार्षिक साधारण सभा बोलाएको छ । कृषिले सेयरधनीलाई हकप्रदपछि कायम भएको साधारण सेयरको चुक्ता पुँजीको २०५ बोनस सेयर र कर तिर्न १.०५३५ नगद लाभांश दिने प्रस्ताव गरेको छ । यसैगरी, बैंकले अग्राधिकार सेयरधनीलाई अग्राधिकार चुक्ता पुँजीको ६५ नगद लाभंश दिने प्रस्ताव पनि साधारण सभामा पेस गर्दैछ । 

कृषिले साधारण सभा गर्न चैत १८ गतेदेखि चैत ३१ गतेसम्म बुक क्लोज गर्ने भएको छ । यस आधारमा चैत १७ गतेसम्म कृषिको सेयर किन्ने मात्र बैंकले दिने लाभांशको हकदार हुनेछन् । कृषिले साधारण सभा बैंकको केन्द्रीय तालिम प्रतिष्ठान, बोडे भक्तपुरमा बिहान ११ बजेदेखि सुरु गर्नेछ ।

कृषिले हालै मात्र हकप्रद निष्कासनका बेला बिक्री नभएको १९ लाख ६८ अजार ५७५ कित्ता सेयर लिलामीमा बिक्री गरेको थियो । लिलामीमा न्यूनतम ३६१ रुपैयाँ भाउ तोक्नेले सेयर पाए भने अधिकतम ६०१ रुपैयाँसम्म प्रस्ताव आयो । 

कृषि विकास बैंकले चालु आर्थिक वर्षको दोस्रो त्रैमासमा ९० करोड ६६ लाख ८९ हजार रुपैयाँ खुद नाफा कमाएको छ । दोस्रो त्रैमासमा साधारण सेयरतर्फ बैंकको चुक्ता पुँजी चार अर्ब ९४ करोड १६ लाख ८८ हजार रुपैयाँ र अग्राधिकार सेयर सरकारको पाँच अर्ब ४३ करोड २७ लाख १२ हजार रुपैयाँ छ । बैंकले हकप्रद बिक्री गरेपछि साधारण सेयरको चुक्ता पुँजी पाँच अर्ब ९० करोड ६४ लाख रुपैयाँ पुगेको छ ।