">
- अर्थ सरोकार सम्वाददाता
काठमाडौँ – तीन वित्तीय संस्था हकप्रद निस्कासनका लागि धितोपत्र बोर्डमा आबेदन दिएका छन् । सनराइज बैंक, गरिमा बिकास बैंक र गुडविल फाइनान्स रहेका छन् ।
सनराइज बैंकले एक अर्ब ६३ करोड ५९ लाख ६३ हजार ६ सय रुपैयाँ बराबरको एक करोड ६३ लाख ५९ हजार ६३६ कित्ता हकप्रद निस्कन गर्न लागेको हो । बैंकले साबिक १० शेयर हुनेलाई तीन हकप्रद दिन लागेको हो । हकप्रद निस्कासनको लागि प्रभु क्यापिटललाई बिक्रि प्रबन्धक तोकेको छ ।
गरिमा बिकास बैंकले ९० करोड ७६ लाख २९ हजार ६ सय ६६ रुपैयाँ बराबरको ९० लाख ७६ हजार २६६ कित्ता हकप्रद निस्कासन गर्न लागेको हो । बैंकले साबिक १० शेयर हुनेलाई ७ हकप्रद निस्कासन गर्न लागेको हो । बैंकले हकप्रद निस्कासनको लागि एस क्यापिटललाइ बिक्रि प्रबन्धक तोकेको छ ।
गुडविल फाइनान्सले २७ करोड २२ लाख ५० हजार रुपैयाँ बराबरको २७ लाख २२ हजार ५०० कित्ता हकप्रद निस्कासन गर्ने भएको छ । फाइनान्सले साबिक १० शेयर हुनेलाई ६ हकप्रद सेयर दिन लागेको हो । फाइनान्सले एनआइबिल क्यापिटल लिमिटेडलाई बिक्रि प्रबन्धक तोकेको छ ।
