काठमाडौं – ग्लोबल आइएमई बैंकको १५.७६५ बोनस सेयरपछि सोमबार प्रतिकित्ता ३५९ रुपैयाँमा मूल्य समायोजन भएको छ । नेपाल स्टक एक्सचेन्ज लिमिटेडमा बोनस समायोजनपछि ग्लोबलको पहिलो कारोबार ३५९ रुपैयाँमा भएको छ । ग्लोबलको औसत आधार मूल्य भने ३८९ रुपैयाँ छ । ग्लोबल आइएमइले चैत २१ गते साधारण सभा गर्न सोमबारदेखि बुक क्लोज गरेको छ ।

 चालु आर्थिक वर्षको दोस्रो त्रैमासमा बैंकले ९० करोड ६२ लाख नौ हजार रुपैयाँ खुद नाफा गरेको छ । दोस्रो त्रैमासमा बैंकको चुक्ता पुँजी सात अर्ब १५ करोड पाँच लाख ५० हजार रुपैयाँ छ । बैंकको प्रतिसेयर आम्दानी २५ रुपैयाँ ३५ पैसा छ भने प्रतिसेयर नेटवर्थ १३४ रुपैयाँ ४२ पैसा छ ।