">
- अर्थ सरोकार संम्वाददाता
काठमाडौं – वा सेविकास बैंकले लिलालीमा बेचेको सेयरमा न्यूनतम २१० रुपैयाँ ४० पैसासम्म आवेदन दिनेले पाएका छन् । यो सेयरमा अधिकतम ३५४ रुपैयाँसम्मको बोलपत्र परेको छ । टेन्डर मंगलबार खोलिएको हो । अहिले रुजु गर्ने काम भइरहेकाले बाँडफाँट हुन भने बाँकी छ ।
यो लिलामीमा सर्वसाधारण समूहतर्फ ६९३ जनाले आवेदन दिएका छन् । संस्थापकतर्फ भने १३ जनाको आवेदन परेकामा चार जनाको रद्द भएको छ । चार जना सर्वसाधारणले आवेदन दिएकाले रद्द गर्नुपरेको हो । संस्थापक सबैले सेयर पाएका छन् । संस्थापकतर्फ न्यूनतम १०० रूपैयाँ र अधिकतम १०३ रुपैयाँको बोलपत्र पेस भएको हो । संस्थापक समूहको सबै सेयर अझै बिक्री भएको छैन ।
बिक्री प्रबन्धक एनएमबि क्यापिटल लिमिटेडका प्रमुख सञ्चालन अधिकृत कमल नेपालले सर्वसाधारण समूहको लिलामीमा न्यूनतम ९कट अफ प्राइस० २१० रुपैयाँ ४० पैसा प्रस्ताव गर्नेले सेयर पाएको बताए । ‘अधिकतम ३५४ रुपैयाँसम्म परेको छ,’ उनले भने । तर आवेदन फारमहरु रुजु हुने काम भइरहेकाले अन्तिम निर्णय भने भइनसकेको उनले बताए ।
बाँडफाँटमा नपर्नेको पैसा चैत ६ गतेदेखि फिर्ता दिइनेछ । सेवा विकास बैंकले फागुन १७ देखि २३ गतेसम्म लिलामी सेयर बिक्री खुला गरेको हो । कुल १२ लाख ६१ हजार ७७८ कित्ता सेयर लिलामीमा बिक्री खुला गरिएको हो ।
बैंकले संस्थापक समूहको १० लाख ४० हजार १७१ कित्ता र सर्वसाधारणतर्फ दुई लाख २१ हजार ६०७ कित्ता सेयर लिलामीमा बिक्री खुला गरेको हो । बैंकले हकप्रद निष्कासन गर्दा बिक्री नभएको सेयर यतिबेला लिलामीमा बेचेको हो । बैंकले यसअघि मंसिर २३ देखि पुस २७ गतेसम्म हकप्रद सेयर बिक्री खुला गरेको थियो ।
हाल सेवाको चुक्ता पुँजी ५० करोड ६४ लाख १० हजार रुपैयाँ छ । चालु आर्थिक वर्षको दोस्रो त्रैमासमा सेवाले सात करोड ७२ लाख ८५ हजार रुपैयाँ खुद नाफा कमाएको छ । प्रतिसेयर आम्दानी ३० रुपैयाँ ५२ पैसा ९बार्षिकीकरण० रहेको सेवाको प्रतिसेयर नेटवर्थ भने १३६ रुपैयाँ ६१ पैसा छ ।
(
