काठमाडौं – भार्गव विकास बैंकको १०० हकप्रद बुधबारसम्म कायम सेयरधनीले मात्र भर्न पाउने छन् । बैंकले बुधबारसम्म कायम सेयरधनीले यो हकप्रद सेयर भर्न पाउने सूचना जारी गरेको छ ।

 बैंकले फागुन २४ गतेदेखि १००५ हकप्रद सेयर बिक्री खुला गर्ने घोषणा गरिसकेको छ । भार्गवले एक कित्ता बराबर थप अर्को एक कित्ता ९१ः१० अनुपातमा प्रतिकित्ता एक सय रुपैयाँ दरले १२ लाख कित्ता हकप्रद सेयर बिक्री खुला गर्न लागेको हो । 

फागुन २४ देखि खुल्ने यो हकप्रद सेयरमा आवेदन दिने अन्तिम दिन चैत्र २८ गते तोेकिएको छ । भार्गवको बिक्री प्रबन्धक एनएमबि क्यापिटल लिमिटेड रहेको छ । भार्गव विकास बैंक केन्द्रीय कार्यालय सुर्खेतरोड तथा यसका अधिकांश शाखा कार्यालयबाट आवेदन दिन सकिनेछ । यसैगरी, एनएमबि क्यापिटल लिमिटेड नागपोखरी काठमाडौं तथा एनएमबि बैंकको अधिकांश शाखा कार्यालयबाट पनि आवेदन दिन सकिनेछ । 

एनएमबि क्यापिटल लिमिटेड नागपोखरी काठमाडौंबाट भने चेक मात्र बुझिने ब्यवस्था गरिएको छ । चुक्ता पुँजी १४ करोड ४० लाख रुपैयाँ रहेको भार्गवले चालु आर्थिक वर्षको दोस्रो त्रैमासमा एक करोड ८० लाख ८ हजार रुपैयाँ खुद नाफा कमाएको छ ।