काठमाडौं – निजि क्षेत्रको जीवन बीमा कम्पनी प्राइम लाइफ इन्स्योरेन्स कम्पनी (Prime Life Insurance Company Limited)  ले दोस्रो त्रैमासमा खुद मुनाफामा ४७ दशमलव ०१ प्रतिशतले घटेर ३ करोड ६१ लाख रुपैयाँ कमाएको छ । अघिल्लो वर्षको सोहि अवधिमा कम्पनीले ६ करोड ८२ लाख रुपैयाँ कमाएको थियो ।

४८ करोड ८१ लाख रुपैयाँ चुक्ता पूँजी भएको कम्पनी (PLIC) ले जगेडाकोषमा ७३ करोड ७८ लाख रुपैयाँ र जीवन बीमा कोषमा ४ अर्ब १७ करोड ३४ लाख रुपैयाँ राखेको छ । जसले आम्दानीमा ९ दशमलव ३७ प्रतिशतले घटेर ८ करोड ७५ लाख रुपैयाँ पुर्याएको छ भने खर्च ८२ दशमलव १४ प्रतिशतले बढेर ५ करोड १४ लाख रुपैयाँ पुगेको छ । कम्पनीको बीमाशुल्क खुद ७६ करोड ७४ लाख रुपैयाँ आर्जन गरेको छ भने दाबी भुक्तानी खुद १५ करोड ७ लाख रुपैयाँ रहेको छ ।

कम्पनीको प्रति शेयर आम्दानी १४ दशमलव ८१ रुपैयाँ, प्रति शेयर नेटवर्थ २ सय ५१ दशमलव १४ रुपैयाँ र मूल्य आम्दानी अनुपात १ सय १४ दशमलव १० गुणा रहेको छ ।