">
- अर्थ सरोकार सम्बाददाता
काठमाडौँ । सिटिजन्स बैंकको सूचना अधिकारीमा उमंग शर्मा नियुक्त भएकी छन् । यसअघिका सूचना अधिकारी तथा बैंकका नायब प्रमुख कार्यकारी अधिकृत बोधराज देवकोटा उक्त जिम्मेवारीबाट बाहिरीपछि सो जिम्मेवारी शर्मालाई दिइएको हो ।
बैंकका प्रमुख कार्यकारी अधिकृत गणेशराज पोखरेलले सहायक प्रमुख कार्यकारी अधिकृतकोसमेत जिम्मेवारीमा रहेकी शर्मालाई सूचना अधिकारीको जिम्मेवारी थप गरेका हुन् । यता शुक्रबार सिटिजन्सबाट औपचारिक रुपमा बाहिरिएका देवकोटा आइतबार नै महालक्ष्मी विकास बैंकको सीइओमा नियुक्त भएका छन् ।
