">
- अर्थ सरोकार सम्बाददाता
काठमाडौँ । गरिमा बिकास बैंक लिमिटेड र केसीएल अस्ट्युट क्यापिटलबीच सेयर स्वामित्व खरिद गर्ने सम्बन्धित सम्झौता सम्पन्न भएको छ । शुक्रबार आयोजित एक कार्यक्रममा सो सम्बन्धी समझदारीपत्र गरिमा बिकास बैंकको तर्फबाट प्रमुख कार्यकारी अधिकृत गोविन्द प्रसाद ढकाल र केसीएल अस्ट्युट क्यापिटलका तर्फबाट अध्यक्ष दीपक पाण्डेले हस्ताक्षर गरेका छन् ।
सो सम्झौता पश्चात केसीएल अस्ट्युट क्यापिटल लिमिटेडमा गरिमा बिकास बैंक लिमिटेडको ५१.२० प्रतिशत सेयर स्वामित्व कायम भई केसीएल अस्ट्युट क्यापिटल लिमिटेड गरिमा बिकास बैंक लिमिटेडको सहायक कम्पनीको रुपमा अगाडी बढाइने छ भने गरिमा बिकास बैंक लिमिटेडले सेयर लगानी गरे पश्चात केसीएल अस्ट्युट क्यापिटल लिमिटेडको नाम परिवर्तन गरी गरिमा क्यापिटल लिमिटेड कायम गरिनेछ ।
