काठमाडौं – बेलायतको ‘रफ गाइड्स’ले तयार पारेको सन् २०१६ मा घुम्नैपर्ने उत्कृष्ट १० देशको सूचीमा नेपाल पहिलो स्थानमा आएको छ । लन्डनमा केन्द्रीय कार्यालय रहेको ‘रफ गाइड्स’ले ३४ वर्षदेखि विश्वभरका पर्यटकका लागि ‘गाइड बुक’ तयार गर्दै आएको छ । यो पेन्गुइन ¥यान्डम हाउसको सहायक कम्पनी हो ।
रफ गाइड्सले तयार पारेको सन् २०१६ को सूचीमा नेपाल दक्षिण एसियाबाट नेपाल र श्रीलंका परेका छन् । श्रींलकाले उत्कृष्टकोे १० औं स्थानमा कोलम्बिया, तेस्रोमा क्युबा, चौथोमा जोर्डन र पाँचौं स्थानमा अल्बानिया परेका छन् । त्यस्तै छैठो स्थानमा रोमानिया, सातौमा एल साल्भाडोर, आठौंमा वेल्स, नवौंमा केन्या र दसौंमा श्रींलका परेको छ ।
“भुकम्प तथा थुपै्र परकम्पपछि पनि नेपालको पर्यटन उद्योग फेरि उदाएको छ”, रफ गाइड्सले भ्रमण सूचीमा नेपालबारे लेखेको छ, “हजारौं मान्छे घरबारविहिन भए र दैनिक जीवन पूर्ण रुपमा सामान्य अवस्थामा फर्किसकेको पनि छैन । तर, त्यहाँको एतिहासिक सम्पदास्थल विस्तारै पुननिर्माण हुँदैछन् ।
पदयात्रा मार्गहरु पुन खुला भइरहेको र नम्र तथा मृदुभाषी नेपाल विस्तारै सामान्य अवस्थामा फर्किन थालेको सूचीमा उल्लेख छ । पर्यटकले खर्च गर्ने डलर स्वतन्त्र होमस्टेमा मात्र नभई स्थानीय तहमै खर्च हुने र त्यसको लाभ सबैले पाउने नेपालका टुर तथा ट्राभल कम्पनीले आश्वस्त पार्दै आएको रफ गाइड्को भनाइ छ ।कारोबारमा खबर छ ।
