• अर्थ सरोकार सम्बाददाता 

काठमाडौँ – वीर अस्पतालमा हुने गरेको बेथितिबारे समाचार प्रकाशन भएपछि वीर अस्पतालका कर्मचारीले बुधबार साप्ताहिकका कर्मचारीलाई फोन गरेर धम्की दिएका छन् । अर्थ सरोकारसँग कुराकानी गर्दै बुधबार साप्ताहिकका बजार ब्यबस्थापाक मोहन सुबेदीले वीरका कर्मचारीले कार्यालयमा फोन गर्दै अपशब्द प्रयोग गरी आफुले त्यहीं आएर देखाईदिने भन्दै धम्की दिएका हुन् ।

‘वीरका कर्मचारीले फोन गरे । बजार व्यवस्थापनको जिम्मेवारी हुने हुनाले मलाइ समाचारको सबै कुरा थाहा थिएन । तर मलाइ एकोहोरो रुपमा थर्काईनै राखे वीरका कर्मचारीले ।  मैले कार्यालयमा फोन गरेर मलाइ धम्की दिएको बारे पत्रिकाका प्रधान सम्पादक उज्जल पाहाडीलाइ जानकारी गराएको छु। ‘ सुबेदीले अर्थ सरोकार डटकमसँग कुराकानी गर्दै भने ।