काठमाडौं । अपि पावर कम्पनीको २९.३८% हकप्रद सेयर बुधबार (असार ३० गते) बाँडफाँड भएको छ । कम्पनीले ५६ लाख ७० हजार कित्ता हकप्रद सेयर बिक्री खुला गरेकोमा ५४ लाख ५४ हजार ४०१ कित्ताका लागि मात्र आवेदन परेको छ । २ लाख १५ हजार ५९९ कित्ता हकप्रद सेयर भने बिक्री भएको छैन । सोहि बिक्री नभएको सेयर कम्पनीले अब लिलामीमा ल्याउने भएको हो ।
कम्पनीले जेठ २० देखि असार १३ गतेसम्म ५६ लाख ७० हजार कित्ता हकप्रद सेयर बिक्री खुला गरेको थियो । हाल कम्पनीको चुक्ता पुँजी १ अर्ब ९२ करोड ९७ लाख ५६ हजार रुपैयाँ रहेको छ । हकप्रद र लिलामी सेयर बिक्रीपछि चुक्ता पुँजी २ अर्ब ४९ करोड ६७ लाख ५६ हजार रुपैयाँ पुग्नेछ ।
